|
Slaagwerk Es Tête de Veau door de straote vaan Mestreech trèk is ’t slaagwerk ‘tgeen geer ’t ierste huurt en zeet! Vaan mini-formaat trömmelke tot dikke zjiem(s) en klaters:’t slaagwerk zörg veur de schwung en dao höbbe veer gein noote of nummerkes veur nudeg! Dao is genóg talent um zoonder meujte te switsje vaan wals nao swing, vaan twist tot sjogkel en sjeigel. Veer hawwe ’t tempo drin, ouch al hure veer neet altied wat achter us gebloze weurt, meh veer hawwe pin tot in de lèste ore. Wee zien veer oonder aandere: Anne Rose, Carola, Christian, Desirée, Eva, Frank, Mickel, Margot, Nol, Remco, Ria, Riny, Ruth, Theo, Marcel, Miriam, Yvette, Sandra en nog ‘ne ganse struip trömmelkes vaan alle leeftije.
|
